A Rosa chámanlle a forte e a valente. É
unha muller loura, delgada e pobre que vive cos catro fillos preto
da miña aldea.
Rosa e Antón eran dous namorados que
tiveron que separarse por motivos económicos, Antón tivo a
necesidade de emigrar ás
Américas en busca de fortuna para poder manter á súa familia. Alí
estivo vivindo bastante tempo, conseguiu un traballo fixo e así
puido enviar diñeiro ao seu lugar de orixe. Comunicábase con Rosa
mediante cartas, nas que lle contaba que regresaría en breve. E así
foi, tempo despois decidiu volver. Colleu un barco para emprender a
súa viaxe de volta, pero desgraciadamente tivo un accidente e
afundiu, acabando coa vida de tódolos pasaxeiros, incluído el.
Foi tanto o tempo transcorrido, tantos os
meses esperando, que comezou a preocuparse, ata que se deu de conta
de que o seu marido xamais regresaría.
Por iso, agora tódolos días vai ao río
que ten preto da casa e tira pétalos de rosas vermellas que tanto
lle gustaban a Antón. Ela ten a esperanza de que algún día
chegarán a onde estea o seu marido, xa que tódalas augas rematan
no mar.